კრიზისში მყოფი ობიექტის მართვა

GGM-მა 2016 წლის სექტემბერში მართვაში აიღო კრიზისში მყოფი, შეჩერებული მშენებარე ობიექტი (სრული ბიუჯეტი: 14 000 000 ლარი).

GGM-ის მიერ მართვაში აღებამდე ობიექტი იყო კრიზისში. ფინანსური დავალიანებების გამო მშენებარე ობიექტის (ამხანაგობა) წინააღმდეგ დაიწყო სასამართლო დავა. მშენებარე ობიექტს დაედო ყადაღა, დაგეგმილი 32-ის ნაცვლად, აშენდა 8 სართული. ამხანაგობას ამოეწურა დაფინანსება და წარმოეშვა დავალიანებები ბეტონისა და არმატურის მიმწოდებელ კომპანიებთან, მშენებლობაზე დასაქმებულ პირებთან. ამხანაგობას მოუწესრიგებელი ჰქონდა სამართლებრივი და ფინანსური ხასიათის დოკუმენტები. ობიექტი არ იყო რეგისტრირებული საჯარო რეესტრში.

GGM-ის მიერ მართვაში აღების შემდეგ მოგვარდა ყველა სახის ფინანსური დავალიანება. დასრულდა სასამართლო დავა და მშენებარე ობიექტს მოეხსნა ყადაღა. კომპანიამ აიღო მშენებარე ობიექტების დასრულების ვალდებულება, ხოლო სანაცვლოდ გადაეცა ამხანაგობის კუთვნილი 208 ბინის გარდა დარჩენილი ფართები და ობიექტზე არსებული მოწყობილობა-დანადგარები. მშენებლობა სს “ტერა ბანკმა’’ დააფინანსა. ორივე კორპუსი ექსპლუატაციაში 2018 წლის ნოემბერში შევიდა.