საინვესტიციო ხელშეკრულების მართვა

მიმდინარე

მართვის კომპანია GGM-ის გუნდი მართავს ბიზნეს-პროექტს (კომპანიას), რომელსაც გააჩნია მოქმედი საინვესტიციო ხელშეკრულება სახელმწიფო დაწესებულებასთან. კომპანიას სახელმწიფოს წინაშე აღებული საინვესტიციო ვალდებულებები 100%-ით აქვს შესრულებული, თუმცა ვერ ახერხებს იმ აქტივით (მიწის ნაკვეთით) სარგებლობას, რაც სახელმწიფოსგან ამ ხელშეკრულების ფარგლებში საკუთრების უფლებით მიიღო. შესაბამისად ვერ ხერხდება საინვესტიციო ხელშეკრულების ფარგლებში დაგეგმილი ახალი საინვესტიციო პროექტის განხორციელება.

საკითხთან დაკავშირებით მიმდინარეობს ადმინისტრაციული და სასამართლო წარმოება. პარალელურად დაწყებულია კომპანიასა და სახელმწიფო დაწესებულებებს შორის მოლაპარაკებები, საინვესტიციო ხელშეკრულების პირობების გადახედვის მიზნით, რომ აღნიშნული აქტივის (მიწის ნაკვეთის) ნაცვლად, კომპანიას გადაეცეს სხვა მიწის ნაკვეთი, სადაც განახორციელებს საინვესტიციო პროექტს.

პროექტის ბიუჯეტი: 7 500 000 აშშ დოლარი.